Taza Kalaam

Ghazal

Mohabbat ki saza pai bohat hai
Humare gham main gerai bohat hai

Khara maile main aksar souchta hoon
Mere ander to tanhai bohat hai

Nahin hai or koi sirf main hoon
Falak se ye sada aai bohat hai

Kama lain shohratain sasti si hum bhi
Magr is main tu ruswai bohat hai

Tasavvur shart, sab kuchh saamne hai
Nazer walon ko beenai bohat hai

Na bhar pain ge ab chashm-e-karam se
Ke in zukhmon main gehrai bohat hai

Adeel us ko kahan tum bhoo l paye
Bhulane ki qasam khai bohat hai