Taza Kalaam

Ghazal

Khaali dunya main guzar kia karte
Bin tere umr baser kia karte

Too ne manzil hi badal di apni
Hum tere saath safar kia karte

Aik hi khwabe junoo kaafi tha
Dekh kar bar-e-digar kia karte

Apni hi uljhanoo main uljhe the
Hum teri zulf ko sar kia karte

Hum jo dewangi main kar guzra
Aql wale wo hunr kya karta

Jo kia to na khuda janta hai
Hum tere saath magar kya karta

Jabke raste main bikharna hi tha
Baandh kar rukht-e-safer kia karte

Jisam ka bojh liye loute the
Shaher walon ko khabar kia karte

Khud zameen orh li hum ne aakhir
Or bay samt safer kia karte

Adeel Zaidi