Taza Kalaam

Khaak-e-Haram

Sarab-e-jan ko jaha ki chamak samajhte rahai
Wo rooh main tha jise jism tak samajhte rahai

Pata chala ke wo khak-e-haram ki khushboo thi
Hum us ko sajde main gull ki mahak samajhte rahai

Ajab thi kefiyat-e-jaa'n tawaf ke doraa'n
Hum apne aap ko jinn-o-malak samajhte rahai

Khuda ko dhondne ka kab humain khayal aya
Hum apni zaat ko us ki jhalak samajhte rahai

Ajeeb waqt guzara khuda ke ghar main Adeel
Zameen thi zer-e-qadam, hum falak samajhte rahai