Taza Kalaam 
Dukaandar 
Ye tajiran-e-deen hainKhuda ke ghar makeen hain
Her ik khuda ke ghar pe inko apna naam
chahiye
Khuda ke naam ke eiwaz kul intezam
chahye
Her aik chahta hai ye
Mera khuda khareed lo!!
Na kar sake ye tum agarYe taajran-e-peshawar
karain ge tum se you'n khitaab
Inteqam chahye, Inteqam chahye
Meri kitab jo kahe
Wohi nizaam chahye!!
Khuda ke jitne roop hainInho'n ne khud banaye hain
Her ik khuda main sahibo
Wo sari khubiya'n hain jo
Inhain bhot aziz hain!!
Her ik dukan per yaha'nNaya khuda saja howa!
Her ik dukandaar ki
Faqt yehi hai ilteja
Mera khuda khareed lo!
Khuda ki bhi sune koi!Wo khe raha hai bus yehi
Ke sahibo main ek ho'n
Mere siwa koi nahi!!
Kisiki baat mat suno
Mera tu koi ghar nahi!!
Dilo'n main bus raha ho'n main
Her aik pal
Her aik sans
Tum main ji raha ho'n main!!
Tum khud na apni jaan loKe tum hi meri jaan ho
Jo tum ne jaan wardi
Tu main kaha'n baso'n ga phir!!
mera tu koi ghar nahi!!
Jo bechte hain apne gharSaja ke mere naam per
Ye nafs ke aseer hain!!
Ye log be zameer hain!!
Adeel Zaidi
