Jaho hasham na shuhrat-o-zar mangta hoon main
Bas ek dua hay jis main asar mangta hoon main
Atbaat-e-Aalia ki, Ziyarat ke waste
Kaafi nahin hai Aankh, Nazar mangta hoon main
Phir chand Muharram ka namudar huwa hai
Phir chaak dil-e-Haider-e-Karrar huwa hai
Is chand main Qasim ke kate dast-e-hinai
Sir nange Doolhan ka sir-e-bazar huwa hai
Is chand main baazu kate Abbass-e-Jari ke
Thanda Alam-e-Haider-e-Karrar huwa hai
Is chand main Akber ke lagi seene pa barchi
Asghar hadaf-e-teer-e-sitamgar huwa hai
Is chand ki dasween ko behan bhai se chooti
Paamal Tan-e-Syed-e-Abrar huwa hai
Is chand mein Abiid ke para touq gale main
Or qaid bhi woh sahab aazar huwa hai
Khushnoodi-e-Zehra ka wo hamil huwa Akhtar
Jo Sibt-e-Payambar ka Azardar huwa hai
Ya sayedi Ya Abbas
Ya Moulai Ya Abbas
Dilbar-e-Haider Ya Abbas
Sani-e-Jafar Ya Abbas
Ya sayedi Ya Abbas
Ya Moulai Ya Abbas
Ya shaida-e-Sakina
Ya saqqa-e-Sakina
Ya sayedi Ya Abbas
Ya Moulai Ya Abbas
Maalik-e-Taigh-o-Alam
Ya Abbas-e-Zi Hasham
Ya sayedi Ya Abbas
Ya Moulai Ya Abbas
Ashiq-e-dilju-e-Shah
Quwwat-e-Baazoo-e-shah
Ya sayedi Ya Abbas
Ya Moulai Ya Abbas
Safder-o-Aali nasab
Ibn-e-Ameer-e-Arab
Ya sayedi Ya Abbas
Ya Moulai Ya Abbas
Maalik-e-Taigh-o-Alam
Ya Abbas-e-Zi Hasham
Ya sayedi Ya Abbas
Ya Moulai Ya Abbas
Ashiq-e-dilju-e-Shah
Quwwat-e-Baazoo-e-shah
Ya sayedi Ya Abbas
Ya Moulai Ya Abbas
Safder-o-Aali nasab
Ibn-e-Ameer-e-Arab
Ya sayedi Ya Abbas
Ya Moulai Ya Abbas
Jo keh gaya hai deen ka rehbar na bhoolna
Yane payaam-e-Sibt-e-Payambar na bhoolna
Islam walo saaqi-e-kausar ka waasta
Tashna-e-dabaani-e-Ali Asghar na bhoolna
Seena agar Sinaane Hawadis se ho figaar
Tum naujawani-e-Ali Akbar na bhoolna
Chhaana jo chahte ho fiza-e-Hayaat par
Abbas naamdaar ke tewar na bhoolna
Pinha'n hai is main raaz-e-Hayaat jadeed ka
Laakho'n se kiyou lare thay bahattar na
Jis ne Hayaat-e-Kufr ko murda bana diya
Woh taigh-e-be zubaani Asghar na bhoolna
Jis ne jaha'n main parda Islam rakh liya
Woh dukhtar-e-Rasool ki chaadar na bhoolna
Qurbaani-e-Shaeed muhabbat ka waasta
Piyaase gale pe Shimar ka khanjar na bhoolna
Qillat bhi jiski kasrat-e-Baatil pe chha gai
Woh shah-e-kam sipah ka lashkar na bhoolna
Akhtar jo pesh ho'n kabhi dushwaariya'n tujhe
Azamw sibaate Sibt-e-Payambar na bhoolna
Mazloom suiye Kaba na jaye to kia karai
Kaabe main bhi aman na paye to kia karai
Beta jawan piyaas ka shikwa kare agar
Sookhi zaban pidar na chusaye to kia karai
Tanha hey ab Hussain , To pusht-e-khmida par
Laash-e-jwan pisar na uthaye to kia karai
Ummul Banin ka lal hai Abbas-e-bawafa
Pani se apna rukh na phiraye to kia karai
Gh®azi ki aas tot gaee, mashq chid gaee
Ghoure se khud ko ab na giraye to kia karai
Pani ko jab taras gaye atfal-e-Fatima
Ab Alqama na ashq bahaye to kia karai
Bachi key sir pa saya chacha ka na baap ka
Wo Shimer ke tamachai na khaye to kia karai
Ghar jis ka ghash main loot gaya aise mareez ko
Awaz-e-Uqteloo na jagaye to kia karai
Raftar-e-inqelab bohat tez hai magar
Gard-e-rah-e-Hussain na paye to kia karai
Azadi ki khalish to hai har fard-e-qoum ko
Qismat kisi ko Hur na banaye to kia karai
Akhter na dar pa shah ki jabin jis ki kham hoi
Dar dar ki wo na thokrain khaye to kia karai
Karbala youn basaai jaati hai
Mout per zeest chhaai jaati hai
Misl-e-Hur, Aal per fida ho kar
Apni qismat jagaai jaati hai
Rah-e-haq main Habib ki soorat
Shan-e-peeri dikhaai jaati hai
Phair kar khushk lab pa khushk zubaan
Piyas youn bhi bujhaai jaati hai
Maan ki umeed khatm hai Akber
Shama ab jhilmilaai jaati hai
Zakham gehra hai jab to Akb®er ko
Har nafas hichki aaee jaati hai
Aah tak zair-e-lab nahin Akb®er
Dil pa youn barchi khaai jaati hai
Roo-e-Akbar main subha se pehle
Chandni khench ke aai jaati hai
Raah-e-Haq main, Khameeda pusht pe bhi
Laash-e-Akbar uthaai jaati hai
Mit rahi hai jawani-e-Akbar
Mout Laila ko aai jaati hai
Noha Khwani ke lehje main Akhtar
Aah-e-Zehra sunaai jaati hai
Jo neher pa piyasa sota hai
Ye us ki sawari ati hai
Jo khoon se run ko dhota hai
Ye us ki sawari ati hai
Ye us ki sawari hai logon
Shamsheer ke saye main jo
Thaame tha Husaini parcham ko
Roti hai wafa ab tak jis ko
Aey dil too khoon ke ansoo ro
Jo fouj-e-Khuda ka afser tha
Ye us ki sawari ati hai
Abbas jo run se aate the
Or mashk-e-Sakina late the
Naizon pa naizain khate the
Yan bachon ko ghash aatay the
Sab ro ro kar chillate the
Jo nehar se pani lata hai
Ye us ki sawari aati hai
Ay ahl-e-aza hai ghour ki ja
Abbas ne wo eesaar kia
Darya main ghoura daal dia
Qatra na magar paani ka piya
Chilloo se paani phaink dia
Jo deen-e-wafa ka hai kaba
Ye us ki sawari aati hai
Saqqaye Sakina jo ke bana
Dil jis se qavi tha Hazrat ka
Hai naam pa qurban jis ke wafa
Bhai ko jo aaqa kehta tha
Zainab ko tha jis per naaz bara
Shabbir ko jis se dharas thi
Ye us ki sawari aati hai
AÏkhtar ye jari hassas bhi hai
Darya pani or piyas bhi hai
Ummid bhi hai or yas bhi hai
Jab tak hai alam Abbas bhi hai
Abbas hamari aas bhi hai
Jo zakham-e-jigar ka hai marham
Ye us ki sawari aati hai
Ye kis ka maatam hota hai
Zanjeeron ki jhankaron main
Ye kis ka maatam chand main hai
Ye kis ka maatam taron main
Ay mah-e-Muharram teri zia
Kiyon qalab-o-jigar barmati hai
Kiyon chandni teri, ye to bata
Ashkon ki chhari barsati hai
Ghamgeen fiza ho jati hai
Seene ka daagh yeh kehta hai
Hai too bhi to maatam daron main
Teeron main namazain kon parhe
Ab wese namazi hi na rahe
Hai kon, wazu jo khon se kare
Dunya main Ghazi hi na rahe
Sheeran-e-Hijazi he na rahe
Lalkaar ke sab lashkar ulte
Ye zor kahan talwaron main
Kiyon us ka na eeman kamil ho
jo kufr se bach kar nikla ho
Naam us ka na kiyon kar zinda ho
Gham is ka bhi dil per chhaya ho
Ye us ka bhi maatam barpa hai
Do lakh the kalma go, laikin
Hur sa na suna ghamkharon main
Ay chand zamin-e-maqtal per
Ek chand hamara aaya tha
Jo hashar talak tabinda hain
Kuch aise sitarai laye tha
Ek noor sa ban main chhaya tha
Ek sab se chhota tara tha
Un daim qaim taron main
Asghar hon ke Baqar, likh Akhtar
Donon ne wo himmat pai thi
Jhoole main karwat aisi lee
Karwat pa fida angrai thi
Haider ki shuja'at pai thi
Sun sun ke sadain Hal Min ki
Tarpe the bohat gehwaron main
Bain karti thi run main ye Akbar ki maan
Ay mere noujawan, Ay mere noujawan
Main mangaati hoon paani tumhare liye
Tum zara ankhain kholo khuda ke liye
Paani pi kar chale jana suye jina
Aey mere noujawan, Ay mere noujawan
Maan khari hai tumhare sirhane utho
Mere noor-e-nazar, Mere piyare utho
Kesa aaya hai tum ko ye khab-e-giran
Aey mere noujawan, Ay mere noujawan
Hath seene se beta uthao zara
zakhm seene ka apne dikhao zara
Daikh loon main bhi barchi lagi hai kahan
Aey mere noujawan, Ay mere noujawan
Yad hai tera ruk ruk ke dam torna
Khun bhari ankhain ghash main kabhi kholna
Zakhmi dil main mere, Leta hai chutkiyan
Aey mere noujawan, Ay mere noujawan
Dil main arman the dulha banaoongi main
Biyah tera khushi se rachaoon gi main
Mehndi hathon main hai ya hai khoon ke nishaan
Aey mere noujawan, Ay mere noujawan
Akhtar aulad walo se poochho zara
Sunne walo ke dil per bani ho gi kia
Run main karti thi jab hai Bano fughan
Aey mere noujawan, Ay mere noujawan
Asghar piyare Waari tum per
Raj dulare Waari tum per
Maan ke sahare Waari tum per
Waari Dilbar A ja...Asghar Laadle A... Asghar Laadle A...
Zulm uthaye Piyase Asghar
Teer bhi khaye Piyase Asghar
Khon main nahaye Piyase Asghar
Waari Dilbar A ja...Asghar Laadle A... Asghar Laadle A...
Reham na khaya Sookhi zuban per
Zulm ye dhaya Sookhi zuban per
Teer lagaya Sookhi zuban per
Waari Dilbar A ja...Asghar Laadle A... Asghar Laadle A...
Raat hai kaali Maan se juda ho
Gham ki satai Maan se juda ho
Rona na waari Maan se juda ho
Waari Dilbar A ja...Asghar Laadle A... Asghar Laadle A...
Chain na paya Gala chhida ke
Dukh ye uthaya Gala chhida ke
Sir bhi kataya Gala chhida ke
Waari Dilbar A ja...Asghar Laadle A... Asghar Laadle A...
Qabar, ye bachcha Tere hawale
Gaysuoon wala Tere hawale
Naazon ka pala Tere hawale
Waari Dilbar A ja...Asghar Laadle A... Asghar Laadle A...
Mujh ko hai ye dar Mere kamsin
Chounko na dilbar Mere kamsin
Qabar ke ander Mere kamsin
Waari Dilbar A ja...Asghar Laadle A... Asghar Laadle A...
Acha jao à Allah Hafiz
Chhoro hum ko Allah Hafiz
Qabar main so'o Allah Hafiz
Waari Dilbar A ja...
Asghar Laadle A... Asghar Laadle A...
Noha ye Akhtar Ghum ki sada hai
Zulm pa rowo Rona rawa hai
Maader-e- Asghar Mehv-e-buka hai
Waari Dilbar A ja...Asghar Laadle A... Asghar Laadle A...
Shah laye is tarha se Asghar-e-besheer ko
Pesh jese kerte hain Qura'an ki tafseer ko
Fouj se bole Hussain
Be kas-o-be yaar hoon
Saber ka hai imtehaan
Is liye lachaar hoon
Bachcha to hai be khata
Gar main khta war hoon
Saatveen se piyas hai
Be zuban be sheer ko
Bachche se Shah ne kaha
Betakaro khud bayaan
Fouj main halchal pari
Bachche ne kholi zuban
Sookhi zuban daikh kar
Ro diye peer-o-jawaan
Khaincha phir, hai hai sitam
Hurmala ne teer ko
Karki kaman us taraf
Teer-e-seh pehloo chala
Hil gai run ki zamin
Kaanp uthe arzo sama
Hurmala ke teer ne
Donon ko zakhmi kiya
Gardan-e-Asghar ko or
Baazu-e-Shabir ko
Hathon pa terpa Saghe®er
Sans ghuti dam ghuta
Dekh ke suye falak
Ro diye Shah-e-Huda
Mout ki hichki ke saath
Bachche ka dum ruk gaya
Bap ne khaincha jo haye
Hurmala ke teer ko
Dekh key khoon-e-Sagh®eer
Ro diye arz-o-sama
Le liya chilloo main khun
Shah ne masoom ka
Phir usy rukh per mala
Bachche ko dafna diya
Daikh kar, roye Hussain
Haideri Shamsheer ko
Kia karoon Akhtar bayan
Thi jo qayamat bapa
Qaber pa chhirkao ko
Pani muyassar na tha
Qaber ko ik baap ne
Aansu se tar kia
Chhor ker tanha chale
Asghar-e-besheer ko
Jo shakhs ameeri thukra dai
Us shakhs key johar kia kehna
Wallah bari qurbani di
Ay H®ur-e-dilawar kia kehna
Jo zer ko haq pa lutatey hain
Wo ahl-e-baqa kehlate hain
Lekin jo khon bahate hain
Haan un ke muqaddar kia kehna
Jab paap ka badal chhata hai
Karbal ka alam lehrata hai
Teri he rawish kaam aati hai
Ay waqt ke rehbar kia kehna
Wo dhoop wo garmi or wo tapish
Wo piyas wo lu, zakhmo ki khalish
Konain ke maalik per yourish
Ay khasaro-e-khawar kia kehna
Ek terah bars ka bachcha hai
Do lakh ka lashker paspa hai
Jis fouj ka bachcha ho aisa
Us fouj ka afser kia kehna
Jab halaq pa khanjar chalta hai
Lab per ummat ka kalma hai
Qatil ghabra ker bol utha
Aye shafi-e-mehsher kia kehna
Abbas ne Sheh ko bhai kaha
Kehti hi rahi lekin ye wafa
Taazist kaha jisko A'aqa
Ab us ko baradar kia kehna
Chheh mah ka bachcha jata hai
Or hans ker teer wo khata hai
Jis ghar ka Asghar ho aisa
ar kia kehna Us ghar ka Akb
Afsana hai dildoz tera
Farda tera, imroz tera
Her soz se behter soz tera
Ay derd ke dawar kia kehna
Tha azm-e-Hussaini azm-e-Khuda
Teeron main namazain ki hain ada
Jis mout ka awal aisa ho
Us mout ka akhir kia kehna
Kuch aise nazuk nukte hain
Alfaz zuban per rukte hain
Jis khak pa bande jhukte hain
Us khak ka Akhtar kia kehna
Zulmo sitam se Shah ko haye haye bachaye kon
Baqi nahin hai koi, himayat ko aye kon
Shane kata ke nehar pa Abbas so gaye
Shamsheer-e-bawafa ki rawani dikhaye kon
Ek dil hai, gham hazaron hain is haal-e-zar main
Shah baith kar jo roain tu lashe uthaye kon
Sughra, firaaq-e-Shah main hain marg ke qarin
Ja kar musafiron ki khabar aah laye kon
Akbar gire hain ghore se muztar hain Shah-e-deen
Karyal jawan ki lash ko maqtal se laye kon
Sab jan nisar qatal hoye Sheh bhi chal base
Beemar ko hajoom-e-sitam se bachaye kon
Lashain parain huwe hain Shahidon ke dhoop main
Abid aseer ho gaye turbat banaye kon
Abbas se jari ke bhi shane qalam hoye
ahl-e-harm ko haye ridaain uraye kon
Akhtar kisi ke dil main nahin hai khuda ka khouf
Zindan main bekasi ki himayat ko aaye kon
Sarwar shaheed hogaye taseer reh gai
Dunya main sabar-o-shukr ki tasveer reh gai
Sarwar ne ro ke lasha-e-Akbar pa ye kaha
Reti pa haye chand si tasveer reh gai
Aththara saal wale ki maiyat pa boli maan
Rone ko haye maadar-e-dilgir reh gai
Khanjar gale pa shimer-e-layin pherta raha
Sir apna peetti hoi hamsheer reh gai
Zainab ye bain karti thin, haye sitam howa
Be gor lash-e-hazrat-e-Shabir reh gai
Ahle harm aseer huye, darbadar phire
Kia Aal-e-Mustafa ki ye toqeer reh gai
Faryad karti jati thi ye dukhtar-e-Hussain
Dar dar phirane ko mujhe taqdeer reh gai
Akhtar ba faiz-e-khun-e-shaheedan-e-karbala
Bas mit te mit te deen ki taqdeer reh gai
Zainab ne kaha mar gaye bhai mere aage
Looti meri ammaa ki kamai mere aage
Shah kehte the peeri main jawan bete ko khoya
Akbar ne sina sine pa khai mere aage
Sir peet ke maan lash pa dulha ki ye boli
Tar khun se huwe dast-e-hinayee mere aage
Jhuk jaye kamar kyun na meri, kehte the Sarwar
Mara gaya Abbas sa bhai mere aage
Zainab ne kaha' hath se apne Shah-e-deen ne
Turbat Ali Asghar ki banai mere aage
The bain ye Zainab ke, ata sabar ho maalik
Khanjar ke tale hai mera bhai mere aage
Durr cheen liye Shimar ne, Bano ye pukari
Ieza meri bachchi ne uthai mere aage
Main noho'n main masroof howa jab se hoon Akhtar
Gardish na kabhi dehar ki aai mere aage
Samjhe na rutba ashqiya, baad-e-Nabi, Hussain ka
Kar diya kunbah be rida. bad-e-Nabi, Hussain ka
Haye ye natawan pa bar, touq-e-giran hai khaar dar
Ho gaya qaid laadla, baad-e-Nabi, Hussain ka
Jis ke, wila ke hounton se,late the bose Mustafa
Khanjar ne chuma wo gala. baad-e-Na
Jabr-e-jafa sha'ar se, teer-e-sitam ke waar se
Hathon pe bachcha chal basa, baad-e-Nabi, Hussain ka
Sir ko kata ke surkhru pesh-e-Khuda hoye Hussain
Sikka dilon pa jam gaya, baad-e-Nabi, Hussain ka
Tha jo Shabeeh-e-Mustafa us per bhi ki gai jafa
Tukre kaleja kar diya, baad-e-Nabi, Hussain ka
Aalam tha istarab ka , kis ko sunate dard-e-dil
Kon shareek-e-hal tha, baad-e-Nabi, Hussain ka
Akhtar-e-dil sheekasta kiye, haal-e-Shah-e-Zaman likhe
Koi huwa na aashna, baad-e-Nabi, Hussain ka
Zulm ki kuch had bhala ay falak-e-peer hai
Dasht main ab bekafan lasha-e-Shabbir hai
Bano se Shah ne kaha laiye Lillah ab
Piyas se ye jaan balab Asghar-e-besheer hai
Chhid gai jab mashk to boli Sakina ke aah!
Ammu ki kia hai khata, piyason ki taqdeer hai
Sajda-e-Khaliq main Shah kehte hain ye Shimar se
Dekh, na khanjar chala, samne hamsheer hai
Kehte hain Shah,ay Khuda tujh pa bhara ghar nisar
Hukam ke aage tere, kia sir-e-Shabbir hai
Sir ho sina per alam, laash bhi pamaal ho
Fatima ke laal ki kia yehi taqdeer hai
Kon ye darbaar main be rida laye gaye
Itrat-e-Sarkar ki kia yehi toqeer hai?
Kiyun na ho Akhtar bapa, hashr talak ye aza
Bani-e-rasm-e-aza Zainab-e-dilgeer hai
Aye Nuh-e-Furat-e-sabar-o-raza
Aye kosr-e-iman, moj-e-baqa
Aay abar-e-karam, aay behr-e-atta
Tum haq ka irada, haq ki raza
Ye Kehti Rahe Gi Kerb -o- Bala
Tufan-e-fana se kashti-e-deen
Shabir bachane aaye the
Ay Wahab ki maan, ye tera jigar
Kheme main jo aya farq-e-pisar
Dali ba tashakkur us pa nazar
Or phaink diya su'e lashkar
Chilla ke kaha o fouj-e-saqar
Hum Shah pa kar ke is ko fida
Taqdeer jagane aaye the
Zainab ke pisar aaye Salle Alla
Jab aay sar-e-maqtal, yaqjah
Deta tha amer barh barh ke sada
Hushyaar rahe lashkar mera
Kuch khail nahin hai in se vigha
Medan main nawase Haidar ke
Dushman ko mitane aaye the
Bhai se behan ne ro ke kaha
Ghazi tha mera zirghaam-e-wafa
Wo bhi howa is dam mujh se juda
Kiyunkar na karoon main wawela
Shah bole behan, hai sabar ki ja
Abbas kinare darya ke
Ghar apna basane aaye the
Shabir tumhara hi dam tha
Akbar ko sina khate dekha
Ye sabar ki had aay Salle Alla
Sajde main gaye or shukar kia
Farmane lage ay mere Khuda
Jo tujh se kia tha, wo wada
Hum aaj nibhaane aay the
Nasrani ko aya tha jo nazar
Ik dolha ka lasha khoon main tar
Sir peat liya, bole ro kar
The Ashja-e-Aalam jin ke pisar
Hai mera salam un maaon per
Wo maaen, jin ke nanne pisar
Teeron ko harane aaye the
Kia hal bayan ho ay Akhtar
Ashura tha ik roz-e-mehshar
Phir sham-e-ghareeban ka manzar
Sab ahl-e-harm the bechare
Karte the sitam ye bani-e-shar
Namoos-e-Risalat ke, haye
Khaimon ko jalane aaye the
Abbas kay tevar kahte hain
Shabir ke mansab ne ye kaha
Be'at ko karo rad fasiq ki
Or taj-e-shahi ko thukra do
Shabir ka Matam Karwado
Ansar se bole un ke dil
Shabir ki ulfat he kaamil
Ab tesha-e-roz-e-eeman se
Deewar-e-shqawat ki dha do
Shabir ka Matam Karwado
Jab Shah namaz-e-subhe perhain
Ansar ye keh kar chand barhain
Ay jazbo, teeron ko seh kar
Andaz-e-mawaddat dikhlado
Shabir ka Matam Karwado
Kia kehna Wahab ki maadar ka
Farzand ka jab ke sir aaya
Wo boli Shah ka hai fidya
Qadmon main unhin ke dalwado
Shabir ka Matam Karwado
Jab Aun-o-Muhammad run ko chale
Zainab ne sada di kheme se
Deewar se Sham-o-Kufa ki
Dushman ke ye lashkar takrado
Shabir ka Matam Karwado
Shabir ke bachche piyase hain
Hathon main khali kase hain
Ay badlo aao behr-e-Khuda
Medaan main pani barsado
Shabir ka Matam Karwado
Aati hai sada ye Haider ki
Tum dhaal ho Sibt-e-Payambar ki
Ay Abid-o-Zainab tum mil kar
Taqreer ka amrat barsado
Shabir ka Matam Karwado
Abid ne kaha ham shakir hain
Hum misil-e-aaba-o-jad saabir hain
Gardan main rasan bandhne do phuphi
Dada ke chalan ab dikhlado
Shabir ka Matam Karwado
Ati hai yahi maqtal se sada
Gar chahiye tum ko haq ki raza
Ghar apna bana kar bet-e-aza
Abbas ka parcham lehrado
Shabir ka Matam Karwado
Marzi-e-Sakina pane ko
Yadon ka alam, lehrane ko
Atfal ko tum ay ahl-e-aza
Abbas ka siqa banwado
Shabir ka Matam Karwado
Akhtar yahi haq ki marzi hai
Zehra ki yahi khushnoodi hai
Shabir ke maqsad ki khatir
Gar waqt pare, sir katwado
Shabir ka Matam Karwado
Wo sachcha fasana yad bhi hai
Wo haq ka tarana yad bhi hai
Shabir ka shar ke hamlon se
Islam bachana yaad bhi hai
Karbal Wo Zamana Yad Bhi Hai
Wo lu wo tapish bhooli to nahin
Zakhmon ki khalish bhooli to nahin
Suraj ki tapish ka zakhmo ko
Reh reh ke tapana yad bhi hai
Karbal Wo Zamana Yad Bhi Hai
Ay Krb-o-bala ay gham ke jahan
Qasim hain kahan, Akbar hain kahan
Jo lut gaya teri dharti per
Wo deen ka khazana yad bhi hai
Karbal Wo Zamana Yad Bhi Hai
Foujon ke wo kale badal main
Ghoron ke sumoon ki halchal main
Mazloom nihatte bachchon ka
Talwarain khana yad bhi hai
Karbal Wo Zamana Yad Bhi Hai
Sunte hain koi noshah bhi tha
Marne ki khushi thi biyah bhi tha
Sehra wo lahoo ke pholon ka
Maqtal main sajana yad bhi hai
Karbal Wo Zamana Yad Bhi Hai
Go nehar pa apna qabza tha
Sqay-e-haram piyasa hi raha
Abbas ka thande pani se
Mun phair ke aana yad bhi hai
Karbal Wo Zamana Yad Bhi Hai
Waan samne darya behta tha
Per qafla piyas ko sehta tha
Is per bhi qaza ko haq ke liye
Seene se lagana yad bhi hai
Karbal Wo Zamana Yad Bhi Hai
Har haal main bache shakir the
Sir dene ko bhi hazir the
Shabir ki surat bachon ka
Wo sabar dikhana yad bhi hai
Karbal Wo Zamana Yad Bhi Hai
Tu sabar ki A'ala manzil hai
Dunya-e-shahadat ka dil hai
Asghar ke lahu se matti ko
Akseer banana yad bhi hai
Karbal Wo Zamana Yad Bhi Hai
Khat Sughra ka us waqt mila
Jab koi na ban main zinda raha
Shabir ka har ek lashe ko
Khat perh ke sunana yad bhi hai
Karbal Wo Zamana Yad Bhi Hai
Daagh Akbar ka seene pa saha
Chche mah ka bacha nazar kia
Phir suye Rubaab us bache ko
Shabir ka lana yad bhi hai
Karbal Wo Zamana Yad Bhi Hai
Sad hef qayamat aa na gai
Kyun Shimar pa aafat aa na gai
Us ahl-e-sitam ka Zainab ko
Beperda phirana yad bhi hai
Karbal Wo Zamana Yad Bhi Hai
Bahar hai bayan se ye manzar
Jab ke na rahi chadar sir per
Zainab ka wo apne chehre ko
Balon se chupana yad bhi hai
Karbal wo zamana yad bhi hai
Akhtar ye likho ay Karb-o-bala
Piyason ka lahu jab bun main baha
Tujh ko sir-e-maqtal Zahra ka
Wo hashar uthana yad bhi hai
Karbal Wo Zamana Yad Bhi Hai
Yaad Aye Jo Karbala Waale
Phoot kar roye qalb ke chhaale
Run se ati thi Fati®ma ki sada
Mar gaye meri god ke pale
Teer khane ko aye hai Asghar
Dil sambhale huwe hain dil wale
Rukh pa bache ke muskurahat hai
Nani baahain gale main hai dale
Yad -e- Akbar main kehti thi Laila
Paas aa, mere gesoon wale
Aao baba sulao seene per
Ye Sakina ke run main the nale
Boli Zainab ye lasha-e-Akbar per
Lag ja seene se god ke pale
Lade chadar kahin se ay Akb®ar
Uth, meri jan ghairaton wale
Koi waris nahin hai ab sir per
Chal base mere chahne wale
Balwe main ja rahi hoon ay bhayya
Dil pa chlte hai dard ke bhale
Akhtar us se Batool khush hon gi
Noha goi ko jo bhi apnale
Karbala ka wo fasana yad hai
Bibiyon Ka Khak Urana Yaad Hai
Pesh ki qurbani jis main Aal ne
Wo Muharram ka zamana yaad hai
Hasratain pamal karne ke hai
Run ko wo dulha ka jana yaad hai
Hath kat jane pa bhi , Abb®ass ka
Mashk datoon main dabana yaad hai
Chhid gai mashk or pani beh gaya
Wo bhi piyason ka fasana yaad hai
Halq-e-Asghar, qabl-e-Sarwar chhid gaya
Hurmala ka wo nishana yaad hai
Piyas ki shiddat main bhi shishmahe ne kaha
Teer kha kar muskurana yaad hai
Sir kata bhai ka, tu hamsheer ka
Us ghari maqtal main ana yaad hai
Haye wo mohtaj-e-ghusl-o-kafan
Bekasi ka wo zamana yaad hai
Chinna baali Sakina ke gohar
Or tamche moo pa khana yaad hai
Karbala se Kufa, or Kufa se Sham
Kanton per Abid ka jana yaad hai
Sham ka darbaar or Al-e-Naøbi
Zulam ka wo bhi zamana yaad hai
Zainab-o-Kulsoom ka darbaar main
Baalon se moo chupana yaad hai
Jis ne likhi aik tarikh-e-aza
Aj tak wo qaid khana yaad hai
Mit gaye Akhtar sabhi naam -o- nishan
Karbala, tera fasana yaad hai
Kese hain ye kalma go, jo musibat ye dhate hain
Kunba Rasul-e-Rab ka khule sir phirate hain
Abb®as mangte hain jo maidan ki raza
Ro kar Hussain apne gale se lagate hain
Abbas le ke izn jo run ki tarf barhain
Aada pukare, Hai haider-e-Karrar ate hain
Rab ka hai khouf or na kuch Mustafa ka pas
Tasveer-e-Mustafa ko Musalman mitate hain
Thame huwe kaleja ajab dard se Hussain
Akbar ki lash ko khat -e- Sughra sunate hain
Is darja hain barhi hoi marne ki aarzoo
Asghar bhi muskurate huwe run mein jate hain
Bachon ko le ke bibiyan ja'ain bhala kahan
Khaimon main aag haye sitamgar lagate hain
Kha kar tamache, ro ke , Shakina ne ye kaha
Baba tumhare baad, sitamgar satate hain
Akhtar fishar-e-qabar ka, kia khouf ho mujhe
Ahl-e-aza ko Abid-o-Zainab bachate hain
Soona huwa run chha gai maqtal main udasi
Serab hoi khun se jo khak thi piyasi
Gulshan hua pamaal har ik gull hua basi
Khemain ki nigheban hain Muhammad ki nawasi
Din chup gaya raat aagai sunsan hain sehra
Ay Sani-e-Zehra, ay Sani-e-Zehra
Rote hain tere dar pa aakash ke tare
Mare gaye Abbass bhi darya ke kanare
Aai wo qayamat ke mite dil ke sahare
Sub chen se sote hain, behan kis ko pukare
Ab un ki jaga , gard-e-harm dena hain pehra
Ay Sani-e-Zehra, ay Sani-e-Zehra
Mazloom behan, bhai ke lashe pa khari hain
Lab band, rawan aankhon se ashkon ki lari hain
Begor-o-kafan lash bayaban main pari hain
Ik hasher ka medan hai qayamat ki ghari hain
Jab beet gai raat to saya huwa gehra
Ay Sani-e-Zehra, ay Sani-e-Zehra
Bhai se kaho aake Sakina ko sula do
Qasim ko pukaro Ali Asghar ko sada do
Abbass zara aake rida sir pa urha do
Beton se kaho aan ke mehmil main bitha do
Kal subha ko jana hain hamain chhor ke sehra
Ay Sani-e-Zehra, ay Sani-e-Zehra
Jungle se Sakina ko to le aai hoon ja kar
Asghar ko bhi tum goad main lay Aao utha kar
Behlao, kahani ko i Baqar ko suna kar
Kiyun laye na tum khak se Akbar ko utha kar
Jungle bhi hain pur holl andhera bhi hai gehra
Ay Sani-e-Zehra, ay Sani-e-Zehra
Bibi se basad ijz yehi kehna hai AÏkhtar
Ay noor-e-dil-e-Fatima, lakht-e-dil-e-Haidar
Ay kushta-e-gham Syed-e-mazloom ki khawahar
Main misl-e-hazaf hoon mujhe kar dijiye gohar
Tarikh ke abwab main parcham ho sunehra
Ay Sani-e-Zehra, ay Sani-e-Zehra
Islam hai ek zarbat-e-Haider ka tasadduq
Eeman hai dar-e-bint-e-Payamber ka tasadduq
Takhliq do alam hai jis ghar ka tasadduq
Kia ghar wohi ho sakta hai zillat ka sazawar?
Wo Shaam Ka Bazar Wo Darbaar Wo Beemar
Atraaf tamashai hain or Itrat-e-Izhar
Monis koi baqi na shanasa na madadgar
Ek bekason ka qafla ek qafla salaar
Pur hol fizaon main wo zanjeer ki jhankaar
Wo Sham ka bazaar wo darbaar wo Beemar
Bhai ne wahan fathah kia dasht-e-bala ko
Zainab ne hila dala yahan arsh-e-ula ko
Wo lehja ke herat thi Arab ke fusaha ko
Thi teg-e-Khuda se bhi fazoon khutba ki talwar
Wo Sham ka bazaar wo darbar wo Beemar
Wo sabar ke darya min Muhammad ka Safina
Wo zulm ke todon min Imamat ka nagina
Wo khak pa girta huwa Haider ka pasina
Jo bad-e-Hassain sari khudai ka hai mukhtar
Wo Sham ka bazaar wo darbar wo Beemar
Be parda huye chadar-e-tatheer ke maalik
Qaidi bane Allah ki jageer ke maalik
Taqdeer ko khud rote hain taqdeer ke maalik
Qura'an ke waraq khak pa or takht pa mikhwar
Wo Shaam Ka Bazar Wo Darbaar Wo Beemar
Moo dushmano ka yas se takte huye bache
Uooton ke kajwon pa jhijakte huwe bache
Kulfat ki musafat main bilakte huye bache
Wo toq-e-giran or wo zanjeer-e-shararbar
Wo Shaam Ka Bazar Wo Darbaar Wo Beemar
Nazdeek na maqtal ki zamin thi na Madina
Abbas ki aghosh na Shabir ka seena
Moo takti rahi yas se Zainab ka, Sakina
Dushman ko bhi raham aaya tha bachi pa kai bar
Wo Shaam Ka Bazar Wo Darbaar Wo Beemar
Mosam tha khizan saz, mukhalif theen hawain
Qismat ke badan se jo ye lipti theen balain
Larzan thi zamin, dushman-e-jani theen fizain
Ek sabar tha bus Aal-e-Muhammad ka tarafdaar
Wo Shaam Ka Bazar Wo Darbaar Wo Beemar
Be parda phire, khaime jale, lab na hilaya
Durre parai or kehte rahai, shukar khudaya
Sajjad ne wallah ajab sabar dikhaya
Meraaj ki manzil pe raha sabar main, bee®mar
Wo Sham ka bazaar wo darbar wo Beemar
Sadhef ye saman-e-ta'ajub karti hai dunya
Olad-e-Muhammad pa ghzab karti hai dunya
Bachchi ko kanizi main talab karti hai dunya
Mola zara Abbas se keh dain ke khabardar
Wo Shaam Ka Bazar Wo Darbaar Wo Beemar
Hai hashar bapa, apna qalam rok le Akhtar
Sir peet ti hain Fatima is nohe ko sun kar
Roti hain jo Zahra tu tarpte hain Payambar
Zindan main liye jate hain itrat ko sitmgar
Wo Shaam Ka Bazar Wo Darbaar Wo Beemar
Haaye Shah-e-LaFatah
Haye Shah-e-HalAta
Qatal huwe bekhata
Masjid-e-Kufa main aah
Zarb lagi begunah
Hil gaya bait-e-Khuda
Thi na sukoon ki jhalak
Hilte the sare falak
Khooni thi sari fiza
Shour tha ek arsh tak
Peet te the sir malak
Rote the sub Ambiya
Hatif-e-ghaibi chala
Deta huwa ye sada
Uth gaya mushkil kusha
Pohnchi jo ghar main khabar
Phat gaya sab ka jigar
Ho gaya mehshar bapa
Ho gai Zainab nidhal
Khol diye sir ke baal
Hut gai sir se rida
Rone lage sub baham
Dar pa jo pohanche haram
Um-e-Baneen ne kaha
Zakhmi the Shah-e-Hunain
Dore Hasan or Hussain
Lab pa thi aah-o-buka
Oohanche jo wo yak bayak
Masjid-e-Kufa talaq
Dekha ajab majra
Cheekhte rote huwe
Hosh wo khote huwe
Karb main the mubtila
Khun ke ansu rawan
Haye mere Baba ja'n
Kehte the, ye kia huwa!
Khun se amama hai ter
Zarb se zakhmi hai sar
Zo'uf ki hai inteha
Khun se sab jism lal
Dard se hai gair haal
Us pa bhi sukar-e-Khuda
Mout se ghaafil nahin
Shikwa-e-qatil nahin
Roti hai khud bhi qaza
Taigh zanon main bhi mard
Sare shujaon main fard
Phir bhi ye sebr-o-raza
Rassi main gardan bandhi
Taigh bhi sar per chali
Kuch na zuban se kaha
Masjid-e-Kufa se jab
Le ke chale sab ke sab
Hashar tha har su bapa
Bole Hasan se Ali
Mout ki hai ye ghari
Roye bohat mujtaba
Pohanchoon jo ghar ke qareeb
Mujh se hon rukhsat Habib
Keh do ye sub se zara
Zainab-o-Kulsoom ki
Dukhtar-e-magmoom ki
Aye na bahir sada
Youn bhi tha dil per asar
Thi ye Ali ko Khabar
Hai ye abhi ibteda
Hai ye jabin ter, abhi
Ho gai laho se bhari
Manzil -e- Karb-o-bala
Nargha-e-Kuffaar main
Betiyan bazaar main
Jain gi ye berida
Maadar-e-Abbass ki
Haq se dua hai yahi
Murtaza ko de shifa
Fidya-e-Abbass liye
Badle main Sartaj kiye
Rad na ho ye iltija
Ghaib se aai nida
Mout hai in se juda
In ki hai baandi baqa
Jan le Ummul Ban®een
In ka ye fidya nahin
Jaye ga ye Karbala
Hai jo tera noor-e-ain
Is ka hai Aqa Hussain
Ho ga ye us per fida
Tarpe ga jab sheer khwar
Honge harm beqarar
Gham ki hai woh inteha
Aa gaya bachi ko ghash
Al atash wal atash
Chaaron taraf hai aza
Josh main aye ga ye
Mashq uthaye ga ye
Mange ga izn-e-vigha
Nehar pa jaye ga ye
Shaye kataye ga ye
Roye gi is ko wafa
Kijiye Akhtar raqam
Noha-e-Shah-e-umam
Phir karain matam bapa
Zist Hai Yousuf -e- Kana Ki Kahani Ki Tarha
Haadse sir se guzarte rahe pani ki tarha
Bhoole mazi ko, kisi guzri nishani ki tarha
Din phire apne, Zulaikha ki jawani ki tarha
Roz-e-hijrat hi se jab sir pa kafan rakhte the
Hum bhi kia yad karain ge ke watan rakhte the
Ao ab ahl-e-watan hi se mulaqat karain
Is mulaqat main mazi ki har ik baat karain
Subh se sham karin, sham se phir rat karain
Boye gulshan hi ke lehje main munajaat karain
Us gulshan ki rag-e-jan main namu rakhte hain
Khaar bhi hain to baharoon ka lahu rakhte hain
Usi gulshan ka main ik bulbul-e-awara hoon
BaKhuda Akhtar-e-sabit nahin , sayyara hoon
Inqalabon ko chulata hoon wo gehwara hoon
Beqarari meri fitrat hai ke main tara hoon
Muztarib zehan ka har mor pa ham raz hoon main
Kon samjhe ga mujhe door ki aawaz hoon main
Kuch taqaaze the ke jo ham ne watan ko chhora
Lekin apne kisi maslak na chalan ko chhora
Gul ne khushbu, na ghazalon ne khutan ko chhora
Ye hai azmat, na libason ne badan ko chhora
Ahl-e-hijrat ki qasam, sahif-e-eeman hain hum
Naz hai is pa humain, sache Musalman hain hum
Rabb-e-kun meri nawaoon ko Musalman kar de
Ilm-o-eeman ki dolat ko faranwan kar de
Deep ismat ke jala, dil main charaghan kar de
Zarre ko tab ata kar, mah-e-taban kar de
Ye gadagar bhi hai ik hashmi, wa Muttalabi
Almadad Syed Makki, Madani Al-Arabi
Hain wo Makki Madani jis ka nawasa hai Hussa®in
Jis ka ik qatra samandar hain, wo darya hai Huss®ain
Gardish-e-waqat hai, ujala hai Hussain
Sabar-o-himmat ka khuda, dahar main tanha hye Hus®sain
Jis ne tufanon se larne ka qarina bakhsha
Dasht-o-sehra ko baharon ka Madian bakhsha
Ab bhi tareekh ye kehti hai ba andaza-e-jadeed
Wo hai zinda jo huwa haq ki himayat main shaheed
Dekh lo zikar-e-Hussain aaj bhi hai haq ki naweed
Mit gaya safha-e-hasti se magar naam-e-Yazeed
Jo bhi hai ahl-e-jafa taaba abad fani hai
Aal -e- Tatheer pa rehmat ki farawani hai
Benishan ho gai shahi wa salateen ki saf
Bane ajram-e-farayeen tabahi ka hadaf
Kunj-e-tareek main khubeeda hain, qarna he na daf
Haan magar Karbobala, Saamra-o-tus-o-Najaf
In ki zulmat se mulaqat nahin hoti hai
Ye wo khitte hain jahan raat nahin hoti hai
In hi khitton ki zia sham-e-Hussain ibne Ali
Khak-e-pa jis ki farishton ne jabinon pa mali
Haq ke mehboob ka farzand, wali ibne wali
Ab bhi tareekh main likha hai ba alfaz-e-jali
Kufr ko, sir pa kafan band ke toka jis ne
Khoon ki dhaar se selab ko roka jis ne
Wohi quaid hai jo ye dars-e- amal deta hai
Zabt wo shay hai jo qowwat ko kuchal deta hai
Haar ko jeet ke sanche main badal deta hai
Jabar se chheen ke, majboor ko phal deta hai
Zabt-e-gham, phool samajh leta hai angaron ko
Bekasi moum bana deti hai talwaron ko
Kalma goi to hai ek farz Musalman ke liye
Shart taqwa ki magar sakht hai insan ke liye
Lakhon le ate hain eeaman supurd-e-jan ke liye
Jan lakhon main koi deta hai eemen ke liye
Sone chandi se to Qura'an sabhi ne likha
Khoon se kalma-e-haq sibt-e-Nabi ne likha
Karbala hurriat-e-fikr ka pehla manshoor
Mar ke jeene ka dia jis ne ke qaumon ko shaoor
Inqalabaat ka phela dia har dour main noor
Haq-o-insaf ke gun gata hai insan ka ghuroor
Pheli har simt jo haq-e-bushra ki awaz
Gonjti hai ye Hussain ibne Ali ki awaz
Isi awaz ne insan ka badla hai mizaj
Gire mazloom ki thokar se salateen ke taj
Aj bachon ki kahani hain shahanshahon ke taj
Na rawayat-e-kohan or na wo bosida samaj
Ye wo maazi hai, ke jo haal hai, ainda hai
Karbala teen zamanon ki numainda hai
Karbala mulk nahin, qom naihn shehar nahin
Karbala chashma-e-irfan hai faqat nehar nahin
Karbala jabar nahin, zulm nahin, qehar nahin
Karbala firqa parasti ki koi lehar nahin
Karbala dehar main, har deen ka sartaj hoi
Arsh walon ko isi farsh pa meraj hoi
Jis ki janib hai rawan ilm wo manzil hai yahi
Rag-e-eeman main lahu jis ka hai wo dil hai yahi
Lakh mazhab hain, magar mazhab-e-kamil hai yahi
Jahan tufan bhi jhukte hain wo sahil hai yahi
Jumla aqwam ki wahdat ka ishara hai Husaain
Aadmiyat ki bulandi ka minara hai Hussain
Is bulandi se hai tareekh-e-umam bhi baqi
Zikar baqi hai tu har dida-e-naam bhi baqi
Shuhada aaj bhi baqi hain, alam bhi baqi
Hai Muhammad ki jawani ka hasham bhi baqi
Daman-e-fiqar main go bughz-e-Ali bunte hain
Log phir bhi Ali Akbar ki Azan sunte hain
Aik hai aik zamane main faqat aik misaal
Rasta baal se bareek ke chalna bhi muhaal
Gaamzan us pa hain sub peer-o-jawan-o-atfal
Haq ki raahon main, na hai deen, na mahina hai na saal
Muslim or in ke pisar, haye Muharram to na tha
Waqt ye bhi magar Ashoor se kuch kam to na tha
Qafle se the alag, jan bacha sakte the
Khud ko or apne iradon ko chupa sakte the
Waqt ke saz se awaz mila sakte the
Koh-e-eeman the to junbish mein kab aa sakte the
Azm wo, azm Shahe uqda-e-kush ho jese
Kufa main marka-e-Karbobala ho jese
Suf main peeron ki the, pegham-e-Nabowwat ke naqeeb
Bu Tamama se jari, Sad, Zubair or Habib
Aisi peeri kise milti hai, ye peeri ke naseeb
Misl-e-parwana gire shama-e-imamat ke qareeb
Zouf-e-peeri se bazahir wo kaman lagte the
Dab se taigh jo khainchi tu jawan lagte the
Aise honge na muqallid, na koi misl-e-Imam
Sar-e-medan kia jhuk ke farishton ne salam
Zafar jin bhi the or un ka tha lashkar bhi tamam
Or tu or shuja'at main Farid aise ghulam
Goya baad nasal tasaduq-e-gulami le li
Hakim-e-waqat ki foujon se, ghulami le li
Zohar ke waqt wo Ashab-e-Hussaini ki Namaz
Sir-e-maqtal bhi sabhi mehv the tahad-e-nayaz
Kiyun na ho aisi ibadat pa shaheedon ko bhi naz
Ru baqibla the Imam, age the do qibla nawaz
Jo imamat ki saper ho use kia kehte hain
Is ada ko ba Khuda kar-e-Khuda kehte hain
Maain bachon ko sajatin thien shahadat ke liye
Dado faryad thi moqoof qayamat ke liye
Lakht-e-dil nazar the Islam ki hurmat ke liye
Lashain aain dar-e-khema pa jo rukhsat ke liye
Maaon ne kar ke fida, lakht-e-jigar phaink de
Ik nazar dekh ke, medan main sar phaink de
Maain bhi aisi thin jo koh-e-jigar rakhti thin
Aankhain mamta ki, masheeat pa nazar rakhti thin
Go ke faryaden qayamat ka asr rakhti thin
Zabt ke daire main qalb ka ghar rekhti thin
Kitne tufanon ke ghere main safina aaya
Maadar-e-arz ko no bar pasina aaya
Apne bhachon ki wigha, dekh rahi thin Zainab
Jism nezon se chhida, dekh rahin thin Zainab
Au®n ghore se gira, dekh rahi thein Zainab
Sar Muhammad ka kata, dekh rahi thein Zainab
Ab wo farzand hain baaqi na wo maain baqi
Reh gain in ke sabab haq ki sadain baqi
Kyun ta'ajub hai tujhe mo'tariz-e-tang nazar
Is sin-o-sal main kyunkar lare Zainab ke pisar
Rubaru lakh sipahi the, inhain khof na dar
Kull-e-eeman ke nawase the nahi tujh ko khabar
Aaye the madd-e-muqabil sabhi yakja ho kar
Foujain takraeen dar-e-Kufa se paspa ho kar
Jazba, tinke ko bhi talwaar bana sakta hai
Ishk, foulad ko panje main gala sakta hai
Azm, tufan ko chutki se mita sakta hai
Josh, geti ke paharron ko hila sakte hai
Haidari mard-e-vigha sub se juda hota hai
Mout ko zist jo kar de , wo Khuda hota hai
Taigh jab khainchi tu har saf main safaya dekha
Saf main ada ki, har ik cheekhta paya, dekha
Sabar per aaye to talwaar ne saya dekha
Ghaib se jo bhi masheeat ne dikhaya, dekha
Chahe gar, tu bazahir bhi zafar ho jati
Fouj so lakh bhi hoti to sifar ho jati
Aaj Arzaq hai na is dehar main us ke hain pisar
Sar uthate hain magar aaj bhi kuch ahl -e- saqar
Phir mubariz talabi karte hain ye bani-e-shar
Nahin Qasim koi jo barh ke kuchal de lashkar
Kon saahil pa safine ko salamat laye
Um-e-Farwa tera farzand! kahan se laye
Kon Qasim, haq-o-batil ko jo taqseem karai
Wo uroosi jise haq arsh pa tasleem karai
Mehar main us ko ata Kousar-o-tasnim karai
Nahin Ashoora ki shab barh ke jo tazim karai
Haq ki khatir kiye wo hasrat-e-zati, soye
Soti umat ke jagane ko barati soye
Aag nafratoon ki jo thi fouj-e-muqabil main lagi
Aaj bhi hai wo isi daman-e-batil main lagi
Zahira Akbar-e-Ghazi ke sina dil main lagi
Per ye batil main sina seena-e-qatil main lagi
Hashar tak deen ki awaz jawan qaim hai
Karbala tere moazzin se azan qaim hai
Chup hai tareekh, ne dekhi na suni ye pekaar
Idhar Abbas akele the udhar chaar hazaar
Sar urate huye jab nehar main dala rahwar
Ghat per lashoon ke the dhair, bhagoore Fillnar
Maanon wazni the jo yel, ho gaye masha dekho
Aag pani main laga di, ye tamash dekho
Pani pi sakte the Abb®as , magar sabar kia
Pani chullu main lia, aah bhari , phaink dia
Wo to insan the, rehwar ne pani na piya
Mar ke youn jete hain, jis terha ke Abb®as jiya
Kia wafadari ka hota hai qarina, sikhain
Jitni qomain hain wo Abbas se jeena sikhain
Dil ko jo fatha kare, fatheh Azam hai wahi
Mit ke bhi jo na mite, noor-e-mujasam hai wahi
Dam jo Sarwar ka bhare, deen ka dam kham hai wahi
Jo kabhi kham na ho , Abbass ka parcham hai wahi
Aaj tak aisi wafadari nibhai na gai
Hasher tak shair ke qabze se taraee na gai
Nahin tareekh main alam ki , koi aisi nazeer
Sar-e-medan-e-jihad aaya ho koi besheer
Bezuban, khasta jigar, piyas se bejan, dilgeer
Tha gulistan-e-shahdat ka magar itar, sagheer
Waar khamoshi ka, talwaar se kari nikla
Ye sagheer ahl-e-haram, laakh pa bhari nikla
Shah ke hathon pa besheer lahu taba rakab
Khon-e-Asghar se kia reesh-e-Mubbarik pa khizab
Fikar lahaq thi ke kia ho ga jo pochye gi Rub®ab
Barhte dogaam to do lamha theharte the Janab
Nanna lasha, ajab andaz tha , jab laye Hussain
Ja ke chhe bar dare khema se lout aye Hussain
Sare pasmanda-o- majboor ko rahat bakhshi
Sare zarrat ko suraj ki harart bakhshi
Chahiye thi jinhain izzat unhien izzat bakhshi
Kia taqat ko khajil, zoaf ko taqat bakhshi
Sabar ki taigh se youn farq-e-jafa kat diya
Taigh ki dhaar se bea'at ka gala kat diya
Sabr ki manzil-e-qosain, muqam-e-Shabir
Shar-e-Isalm ki tafseer, nizam-e-Shabir
Jalwa-e-subh-e-azal, jalwa-e-sham-e-Shabir
Maatam-o-noha huwe waqaf banam-e-Shabir
Dil-e-Shabir ke kul zakhm darakshinda hain
Jo bhi nohe kahe Akhtar ne wo sab zinda hain
"Dua-e-Aakhir"
Ay hum nasheen ye qissa hairat faza na poochh
Aal-e-Naøbi pa jo hoi jor-o-jafa na poochh
Mujh se na poch waqeya-e-Karbala na poochh
Ek mukhtasir se waqt main kia kia hua na poochh
Chashm-e-khayal dekhi hai, dil gawah hai
Main kia kahon Furat ka saahil gawah hai
Bhai bhateeje kushta-e-taigh-e-do dam huye
Bachche bhi nanne nanne shaheed-e-sitam huye
Gurbat main sakhtiyan sahin said-e-alam huye
Kia zulm the jo sibt-e-Muhøammad pa kam huwe
Ankhon pa gird-e-yas thi dil gham shanas tha
Allah! phir bhi Nana ki ummat ka pas tha
Wo lu wo raig-e-garam wo sehra be gayah
Suraj ki wo tapish wo jhulasti hoi nigah
Masoom chehra, piyas ki shiddat se dil tabah
Dil main hajoom-e-bebasi, honton pa sard aah
Chaaron taraf se gircha giraftar the Hussain
Ummat ki maghfirat ke talabgar the Hussain
Koi na tha ajal ke sewa is wali ke pas
Dushman the lakhon or tan-e-tanha wo haq shanas
Wo bekasi wo alam-e-gurbat, hajoom-e-yas
Wo dukh wo soz-e-qalb wo dard-e-jigar wo piyas
Allah re zabt-e-shouq, lehaaz apni baat ka
Dekha na aankh utha ke bhi pani Furat ka
The ik taraf kalaije ke tukre lahu main tar
Soye huye the ik taraf Abbas-e-naamwar
Nanneh bhateeje khun main ghaltan the sar ba sar
Ahbab ki sisakti si lashon pa thi nazar
Chehra alam nawaz tha farte malal se
Ye gham na dekha jata tha Zehra ke laal se
Allah! phir bhi pas tha ummat ka is qadar
Dargah-e-haq main lete the aye rabb-e-behr -o- bar
Bande ki teri shan-e-kareemi pa hai nazar
Atish se karde ummat-e-aasi ko bezarar
Meri dua ko ajar de husn-e-qubral ka
Allah tujh ko wasta apne Rusool ka
Ghar mera lut raha hai mujhe kuch nahi alam
Ummat na mere Nana ki lekin ho sed-e-gham
Gardan pa meri lakh chale khanjer-e-sitam
Lab per dua-e-bakhshish-e-ummat ho dam ba dam
Ahl-e-harm ki quaid ka mujh ko khatar nahin
Khemain mere tabah hon lut jain dar nahin
Aai nida ghaib ke aye fidya-e-Khuda
Kiya kam kar ke too ne dekhaya hai Marhaba
Raazi huwa Huss®ain bohat tujh se Kibriya
Rah-e-raza main khub too sabit qadam raha
Tujh sa na hoga sabir-o-shakir jahan main
Kia khub kaamyab hua imtehan main
Tujh per karain ge naz zamane ke taig-e-zan
Tujh per kare gi fakhr shaheedon ki anjuman
Sincha hai tu ne khun se Islam ka chaman
AÏkhtar na hoga gham ka fasana kabhi kohan
Dunya kahe gi nazish-e-dunya Hussain hai
Shedai haq hai ashiq-e-Mola Hussain hai
Mit ke Akbar ki jawani reh gai
Noha goi noha khwani reh gai
Kaam aisa kar gaye ahl-e-wafa
Hasher tak baqi kahani reh gai
Mit gaya takht-e-Yazeed, or aay Hus®sain
Sirf teri hukmarani reh gai
Gham ki teqreebaat main bun kar sabeel
Ek bahashti ki nishani reh gai
Ban ke Shah ke rubaru, sharmindagi
Har balaye asmani reh gai
Mit gai taaqat, pa roz-e-deen-e-haq
Ban ke Shah ki naatawani reh gai
Mout se jo tum ne chheeni aay Huss®ain
Deen ki wo zindagani reh gai
Jab kamer kas lee Zuhair-e-Qain ne
Peeche peeri se jawani reh gai
Naatawan ke zimme, tapti rait per
Ashtaron ki sarbani reh gai
Mit gaye shola bayan, nawok figan
Tifl-e-no ki bezubani reh gai
Kis terha aye Alqama Asghar ke baad
Teri moujon main rawani reh gai
Ki na Shah ne bai'at-e-fasiq qubool
Thokaron main hukmarani reh gai
Deen main Akhtar shaheedon ke tufail
Aik ruh-e-jawidani reh gai
Jab Moharram Manaya Jata Hai
Dil ko Kabah banaya jata hai
Ho wo gham ya wo ishq-e-Shabiri
Dil pa eeman chhaya jata hai
Poochho memar-e-Kabah se poochho
Taziya kyun banaya jata hai
Karbala ke Haseen jalwoon se
Dil-e-momin khilaya jata hai
Sh®ah ke hathon pa hain Ali Asghar
Youn bhi Qura'an uthaya jata hai
Kahin marne ke waste Zainab
Bachchon ko youn sajaya jata hai
Ab talak Alqama ki lehron main
Naqsh-e-Abbass paya jata hai
Lash-e-Akbar utha rahai hain Hus®sain
Sabar youn azmaya jata hai
Kalme se nahin hai kam ye zikr
Jis pa eeman laya jata hai
Tamgha hai sina -e- shahadat per
Naiza hans kar jo khaya jata hai
Jo hain namoos-e-Ahmad-e-Mursal
Un ko qaidi banaya jata hai
Saal-e-no ho, ke roz -e- pedaish
Roz-e-awal rulaya jata hai
Bachche maqtal main rote phirte hain
Koi khema jalaya jata hai
Chand ghaibat ke abar main hai nehan
Noor chhan chhan ke aya jata hai
Perda-e-Karbala main aye Akhtar
Koi Shabir paya jata hai
Khanjar Hilaal-e-Gham Ka Hai Ailaan Karbala
Rang-e-shafaq hai khun-e-shahedan-e-Karbala
Darasal ik qayamat-e-sughra ka waqea
"Tareekh likh gai hai ba'unwan-e-Karbala"
Teeron ke khanjar ke sinanon ke wazan se
Eeman ko tolti rahi meezan-e-Karbla
Terah sadi ke, tera so pardon ke bawajood
Lau de rahi hai shama-e-shabistan-e-Karbala
Khamosh karna chahti jahan bhi zuban-e-haq
Bola wahin se natiq-e-Qura'an-e-Karbala
Nafs apna baich kar paye marzi-e-Krdigar
Soye hain Karbala main shuja'an-e-Karbala
Behr-e-jehad jate hain Asghar lab-e-Furat
Nannih si jaan ko bhi hai arman-e-Karbala
Khaya gale pa teer jo hans kar, pukari fouj
Ye tifl bhi hai Sheer-e-Nistan -e- Karbala
Har zulm-e-baad-o-barq se kehdo pukar ke
Baala ter az khizan hai gulistan -e- Karbala
Sarwar ke rubaru hye Salman ki kia bisat
Arsh-e-ula hye tekht-e-suleman-e-Karbala
Sajde hon kyun na surkhru or kyun na ye kahain
Khak-e-shifa hai faiz-e-shaeedan-e-Karbala
Noha nigaar, zarre se Akhtar na kyun bane
Sidra nashin hai bulbul-e-bistan-e-Karbala
Taadaad Or Na Kasrat-e-Ghamkhwar Dekhiye
Islam ke hain kitne fidakar dekhiye
Khali zuban ke waadon pa mat jaiye kabhi
Hai kon dil se haq ka tarafdar dekhiye
Kitnon ki astinon main , bot hain chupe huwe
Kitne gulon main ab bhi hai zunnar dekhiye
Dinya mein Karbala ke musafir bohat, magar
Ho Karbala, to kitne hain tayyar dekhiye
Kufa nahin, Damishq nahin, Karbala nahin
Hain aaj bhi harm sar-e-bazaar dekhiye
Sunsan mulk-e-Misr tha jab hum na the wahan
"Hum agaye tu garmi-e-bazaar dekhiye"
Mazlomon ke mazaar ki kehti hain ronaqain
Zinda rahin ge deen ke maimar dekhiye
Kiyun kar kahoon ke sare hi zinda zameer hain
Nafs ab bhi bikte hain sar -e- bazaar dekhiye
Ta'at guzar jab ke nahin hai, tu dur se
Kab tak naqoosh-e-masjid-o-minar dekhiye
Insaaniyat perakhne ka mayaar hai yehi
Insaan ki tajalli-e-kirdar dekhiye
Ja kar koi muhafiz zindan se ye kahai
Qaidi nikal gaye, dar-o-diwaar dekhiye
Akhtar yaqeen hai ke sawaira qareeb hai
Hain shaam hi se subh ke asaar dekhiye
Kabah Ka Bhi Hai Kabah Tera Astan Hussain
Kham arsh jis ki simt hai wo aasman Hussain
"Walshams" ki tamazat-o-"Walasr" ki qasam
Qura'an ka bharam hai teri daastan Hus®sain
Awaz-e-Ambiya bhi na pohnchi wahan talak
Pohnchi hain tere khoon ki chintain jahan Hussain
Dunya bhi peer, waqt bhi peer, aasmaan bhi peer
Lekin rahe ga tabah qayamat jawan Hussain
Pighla gaya hai sisa-e-kasrat ko sabar se
Toheed ke wajood ka ik tarjuman Hussain
Aisi hi aa bani thi kuch iman-o-deen per
Warna kahan wo shimer ka khanjer, kahan Hussain!
Tha imtehaan wo aakhari, insan ke azm ka
Har dasht Karbala hai na har mehman Hussain
Youn suye sham lashkar -o- aal -e- Nabi chali
Gard-e-safar Yazeed tha or karwan Hussain
Ahsan hai namaz pa jis ka wo kon hai
Khud bandagi pukar uthi, jawedan Hussain
Sajde se qabl, Asghar-e-ghazi ki shakl main
Dushman ke sir pa akhiri zarbe giran Hussain
Khud Shah ka dil ye kehta tha, Akbar nahin to kia
Hamsheer thaam le gi faras ki ana Hussain
Hum shakl-e-Mustafa se kaho wo azan dain
Khatre main hai Rasoøol-e-Khuda ki azan Hussain
Ye jo bichhi hoi hai bisat-e-tagiyouraat
Is farsh-e-inqalab ka hai asman Hussain
Asghar ki khamoshi bhi rajiz hai Hussain ka
Chup ho, ke bol uthe, hai khuda ki zuban Hussain
Akhtar mujhe na khuld ki lalach na khouf-e-nar
Jaon ga le chalain ge mujhe khud janan Hussain
Nahin Jati Kahan Tak Aqal-e-insaani Nahin Jati
Magar apni haqiqat aap pehchani nahin jati
Jahan ke aaine khane main herani nahin jati
Is aaine main koi shakl pehchani nahin jati
Nahin jati hamari hashar samaani nahin jati
Kabhi suraj ki huwe hiddat-e-afshani nahin jati
Chaman chora, nasheman chut gaya or hamnawa choote
Magar dil ki adaye zamzama khwani nahin jati
Humare qafle walon pa kaisa inqelab aaya
Kisi bhi humsafar ki shakl pehchani nahin jati
Taraqqi ka ye alam hai ke sehra ho gaye gulshan
Magar abadiyon se phir bhi weerani nahin jati
Zamane main har ik shay ki garani ho gai lekin
Zamir-e-hazrat-e-insan ki arzani nahin jati
Ye malbusat ki dunya ajab dilchasp dunya hai
Libas-e-faakhra tan per hai, uryani nahin jati
Musalmanon ki is dunya main, wo khitte bhi milte hain
Jahan toheed hoti hai, magar mani nahin jati
Musalsal horahi hain barishain, rehmat ke phoolon ki
Magar sad haif! apni tang damani nahin jati
Mujhe mushkil ka kia dar, banda-e-mushkil kusha hoon main
Wo har mushkil hai asan, jo ba asani nahin jati
Zamin per noha-e-Adam bhi kia kia rang laya hai
Ke ab tak bhi jahan se marsia khwani nahin jati
Ye kesa shoor-e-matam hai, ye kis ka dard hai dil main
Ke aansu khushk hain, or gham ki tughyani nahin jati
Bazahir jeetne walon ki qabrain tak nahin baqi??
Jo haare, hashar tak un ki jahanbani nahin jati
Shaheedan-e-wafa ka khoon, sar per youn musallat hai
Ke choudaso baras guzre, pashemani nahin jati
Hussain ibn-e-Ali ki azmaton ko kis ne pehchana
Ke mantaq se jahan ki khak bhi chaani nahin jati
Ye mat samjho khare the tashnalab Abbas saahil per
Wahan the wo , jahan tak aqal-e-insaani nahin jati
Ye jang or teen din ki piyas, hai wo ishq ki manzil
Jahan had-e-nigah-e-falsafa dani nahin jati
Ik adna banda-e-Haider hoon, meri tamkanat dekho
Hawa kesi bhi ho, khuye Sulemani nahin jati
Mizaj apna ke dushman ko hamesha dost shamjhe hain
Kabhi dushman ki surat hum se pehchani nahin jati
Anees khush bayan ki khush bayani ke sabab Akhtar
Sukhan se, Aaj tak boye sukhan dani nahin jati
Maatam-e-Hussain Kar Aqibat Banaye Ja
Dagh-e-gham basad fughan qalb per sajaye ja
Hai raza-e-Rab yahi ashq-e-gham bahaye ja
Shah ki bargah main nazar ye charhaye ja
Roshani Hussain hai zindagi Hussain hai
Ye payam-e-Karbala deher ko sunaye ja
Mout hi nijaat hai, mout hi hayat hai
Zindagi ko mout ka aaina dikhaye ja
Karbala ko sajdah gah, kar gaye imam deen
Karbala ki simt ab apna sar jukaye ja
Abid-e-Azeem ke raste pa chal ke too
Subh-e-Karbala ki had Sham se milaye ja
Chahta hai tu agar zulmatain na bach sakain
Sham-e-Karbala ki lo taiz kar, barhaye ja
Jis alam ne rah di, tujh ko azm-o-nazam ki
Dosh-e-inqelaab per wo alam uthaye ja
Roshan ek charag wo kar diya Hus®sain ne
Us charagh se charagh, hasher tak jalaye ja
Pairvi Zuhair ki shaukat-e-namaz hai
Ashiq-e-Imam ban gham ke teer khaye ja
Likh ke Akhtar-e-hazin ye tarana-e-wafa
Is tarana-e-wafa ko bejijhak sunaye ja
Kehte the run main, shah-e-Aali
Ay mere Hadi ay mere Waali
Dikha de apni shan-e-jamali
Ummat Ka Bera Paar Lagade
Tu aik manzil, main ik musafir
Main aik qatra tu behr-e-wafir
Tu hi hai awwal too hi hai aakhir
Ummat Ka Bera Paar Lagade
Too mere tan per zakhm sajade
Piyas ki shiddat or barhade
Aik hai kia so Karbobala de
Ummat Ka Bera Paar Lagade
Akbar bhi haazir Asghar bhi haazir
Abbass mera birader bhi haazir
Ye dil bhi haazir, sir bhi haazir
Ummat Ka Bera Paar Lagade
Khoon main hain doobe chand sitare
Bande ne tere naam pa waare
Laj meri ab tere sahare
Ummat Ka Bera Paar Lagade
Mujh ko mere rab apni ada de
Mujh ko ata kar apne irade
Azm-e-fana ko ouj-e-baqa de
Ummat Ka Bera Paar Lagade
Bhai ko dekhoon shane kataate
Dekhoon main tasweer-e-Ahmad mitaate
Dekhoon main bachche ko bhi teer khaate
Ummat Ka Bera Paar Lagade
Sajde main, apne sir ko jhukadoon
Khoon se shar ki aag bujhadoon
Kat'ta rahe sir, main ye dua doon
Ummat Ka Bera Paar Lagade
Likhdiye ye Akhtar harf baqa ka
Shah ke tasaduq deen hye zinda
Tha ye khulasa Shah ki dua ka
Ummat Ka Bera Paar Lagade
Copyright © Adeelzaidi.com | All Rights Reserved